Southern Laos Tourism Product Consultation Workshop
ວັນທີ 18 ສິງຫາ 2022, ກົມພັດທະນາການທ່ອງທ່ຽວ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຮ່ວມກັບ ພະແນກ ຖວທ ແຂວງຈຳປາສັກ ໄດ້ຈັດກອງປະຊຸມປຶກສາຫາລືລະຫວ່າງພາກລັດ ແລະ ພາກທຸລະກິດສີ່ແຂວງພາກໃຕ້ເພື່ອເຊື່ອມໂຍງຜະລິດຕະພັນການທ່ອງທ່ຽວຂອງ ສປປ ລາວ ກັບບັນດາປະເທດໃນອະນຸພາກພື້ນແມ່ນໍ້າຂອງ ທີ່ນະຄອນປາກເຊ, ແຂວງຈຳປາສັກ. ກອງປະຊຸມໄດ້ດຳເນີນໂດຍການເປັນປະທານຂອງ ທ່ານ ນາງ ພອນມະລີ ອິນທະພົມ, ຫົວໜ້າກົມພັດທະນາການທ່ອງທ່ຽວ, ກະຊວງ ຖວທ ແລະ ທັງເປັນຜູ້ຈັດການໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວອະນຸພາກພື້ນແມ່ນຳ້ຂອງໄລຍະ 2 ຂັ້ນສູນກາງ ຮ່ວມກັບ ທ່ານ ສຸລິນ ເພັດທານີ, ຮອງຫົວໜ້າພະແນກ ຖວທ ແຂວງຈຳປາສັກ ເຊິ່ງທັງເປັນຫົວໜ້າໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວອະນຸພາກພື້ນແມ່ນຳ້ຂອງໄລຍະ 2 ແຂວງຈຳປາສັກ. ມີຜູ້ເຂົ້າຮ່ວມຈາກພາກລັດ ແລະ ພາກທຸລະກິດຈາກສີ່ແຂວງພາກໃຕ້ ເຊັ່ນ ພະແນກ ຖວທ…
